LIBROS EN GALEGO

MERCA AQUÍ OS TEUS LIBROS

MERCA AQUÍ OS TEUS LIBROS
ENVÍO DE BALDE

jueves, 7 de junio de 2007

A duquesa de Monte Loureiro, 23

XOVEN E NAMORADA

Eva deixou a Alexandre. Non entendo a ista nena. ¿Qué muller deixa a un home con cartos?

-Quero ser algo por min mesma, tía. Xa sei que non me entendes, pero é o mesmo.
-¿E cómo queres chegar a algo? Non tes amigos.
-Tampouco os quero.

A miña sobriña segue a pintar cadro tras cadro. Non hai recuncho dista cidade que Eva non plasme nun lenzo.

Eu preciso ledicia pra vivir. Sigo indo todolos días á praia, choiva ou quente o sol. O conde de Talavera segue aloxado no hotel María Pita.

-Esta agua está muy fría, Clotilde.

Non lle fago caso. Tiro por él mar adentro.

-Te quiero, Clortilde.

Pecho os ollos e sintóme a Demi Moore galega. Non hai dúbida de que son unha muller con sorte: non preciso meterme a actriz para ligar bos mozos.

Cando abro os ollos, vexo a miña veira á nai do mellor amigo do meu Uxío.

-Pero si eres Clotilde...
-A que viste e calza. ¿Iste é o teu neto? ¿Cántos tes xa?

A muller queda sin fala. Olla ó conde de Talavera de arriba a baixo.

-Preséntoche o meu compañeiro sentimental.
-¿Es cubano?
-Non, miña nena, é español coma ti máis eu.

Non pregunta máis. Colle da man ó cativo, e sacao da auga coma se eu tivera un pecado contaxioso.

O pecado dos meus amoríos chegou os oídos do meu Uxío antes de que eu chegara a casa.

-Don Uxío xa chamou catro veces, duquesa -dixome o meu asistento.
-Dille que non estou se volve a chamar.

Ninguén coñece o meu Uxío mellor ca min. Cando se enoxa hai que deixalo clamar para que volte a ser él.

Ista vez tivo un enoxo que non calmaba. Chamou a súa curmán Eva queixándose do que él chama o meu escándalo.

-Uxío pediume que te tivera vixiada, tía.
-Non te atrevas, Eviña.

A miña sobriña di que non sabe se tera tempo para adicarmo. Ademáis de pintar, traballa e prepara oposicións.

-É mellor que te centres nas oposicións. Os mellores traballos son os do Estado.
Eu tamén o penso, tía. O Estado non da en quiebra nin fai regularizacións de emprego.
-¿Non soubeches máis de Alexandre?
-¿Querelo pra ti? Mira que andar cun home que pode ser o teu fillo...
-Ten catro anos máis co meu Uxío.

Eviña insite. O meu namorado pode ser o meu fillo. Pois que poida. Os anos non son máis que números. Eu síntome xoven e namorada.

LIBROS