Mozas á porta

​Mozas á porta decías

e saín axiña

coa saia nova

i a chambra doutra.

Un bico pequeno.

Aparta que miran.

Estanche con contos.

Non, neno, ten tino.

Máis mozas á porta

dixeches o vispra

do día que fuches

coa dote que tiña.

Un biquiño, nena.

Na voda o biquiño.

Dime que me queres.

Eso sí cho digo.

---------------

https://www.consupermiso.com/registro-en-consupermiso?referer=5677f53cb9e95c6dac642c19

Nenez

​Hai nenos que calan

na nenez doente

de guerras na casa

e lume na eira.

Son nenos cos ollos abertos,

nenos sen Reis de Oriente,

nenos que xogan co medo.

Son nenos.

Hai nenos que medran

sentindo o medo na porta

cando as chaves poñen hora

as noites de rifas dun tolo.

Son nenos i nenas da nenez

escrita nun conto

no que a princesa

non come perdices.

--------------

http://diariodeunamissculta.blogspot.com/