MERCA AQUÍ OS TEUS LIBROS

MERCA AQUÍ OS TEUS LIBROS
ENVÍO DE BALDE

jueves, 29 de mayo de 2014

Amor en Marrocos

Brincamos polas rúas de Marrocos
dunha cidade a outra,
dunha feira a unha festa,
dun hotel a unha fuxida
por camiños vencidos.
 
O noso foi amar
sen deixarnos de amar
en extranos destinos.
 
Un día xa non estabas
a carón da miña vida
i botei as ás pola ventá
para sair das sábanas que tiñan
o teu nome escrito cos fíos.
 
Era libre libre lbre.
Adeús amor que morreches
afogado no pocillo.
Eu podía brincar soa
polas rúas e camiños
sen levarte a ti atado
na saia que non me viras.
 
-----------------
http://tarotgalicia.blogspot.com/

domingo, 11 de mayo de 2014

Agasallo

O mellor agasallo fuches ti.
Eras o amor, o futuro,
unha folla chea de respostas.
Eras o lume na miña neve.
 
Debuxei un corazón
co teu nome mailo meu
na trapela do faiado
pa que fora un segredo
o noso amor tan calado.
 
Tiña présa por deixar
amodiño os carreiros
por onde andaban ceibes
os meus medos por perderte.
 
Ti sorrías desfacendo
no teu ceo o meu medo
i atrás ía deixando
folerpas da miña neve.
 
-------------------
http://tarotgalicia.blogspot.com/

miércoles, 7 de mayo de 2014

Lonxe

Andaba a enredar co meu cabelo
deixando nel os dedos ceibes.
O desacougo non me deixaba.
Mimaba por mimar o meu cabelo.
 
Todas eran preguntas
sen respostas miñas.
Calei. Deixei de cavilar
Funme coas preguntas.
 
Lonxe de min, moi lonxe,
desembarcou un eu novo
deixando o meu eu vello
no mesmo peirao de lonxe.
 
------------------
http://tarotgalicia.blogspot.com
MEIGAS HABELAS HAILAS

LIBROS