Trovadora de min, trovadora de outros

Quero que sintas a miña apreta
nestas verbas ceibes cando a noite
asoma o fuciño pola fiestra.

Desperta e vive,
volta a ti mesmo.

Eu serei a rosa que te agarde
con meus pétalos cheos de poemas.

Vive e desperta
de ti a ti mesmo.

O carreiro chegará a ser camiño,
o camiño a autoestrada tamén chega.

---

Enviado desde Correo Yahoo!
La bandeja de entrada más inteligente.

Trovadora de min, trovadora de outros

Unha rosa dis que son
no xardín que ti pintaches
i eu sinto que son rosa
cando rosa ti me chamas.

Das miñas mans saen dedos
nos que rematan as prantas
poñéndolle unha verba
ao que o corazón me canta.

Vou medrando cada día
ao carón do meu cantante
mentras penso se a rosa
chegará a ser bicada.

No xardín hai outras froles
as que ti nunca lle falas,
só tes conversa pra min
e sorrisos pros meus cantos.

Trovadora de min, trovadora de outros

Non me sorprende

ista chuvia na sequía,

non, xa tocaba chover

despois de días secos

co sol de estrela,

faro alumeando

camiños sen meta

neste presente eterno.

 

Chove, pero non molla,

tanto ten se chove

ou non chove ágora:

é tarde, tradísimo,

xa non importa.

 

O serán vai caendo,

mañan caerá outro;

tamén quizáis chova.

Non importa ista chuvia,

non, non me importa.

---

¿Con Mascota por primera vez? - Sé un mejor Amigo
Entra en Yahoo! Respuestas.

Fillo da lúa

Non miredes os meus pés

nin os zapatos que levo

nin as pernas que me levan

lonxe por aquí moi cerca.

 

Mirade para ise neno,

fillo da lúa que teño

de bombilla toda a noite

cando o sono non me vence.

 

Ise neno no o vedes

para agarimalo a apretas,

só o vedes para darlle

coa porta na probeza.

 

Meniño fillo da lúa,

non sei coma a ti quererte;

chorando es unha dor,

rindo es un anxo verde.

---

¿Con Mascota por primera vez? - Sé un mejor Amigo
Entra en Yahoo! Respuestas.

Tovadora de min, trovadora de outos

Bicarte é sentir

o corazón latexando

dentro do peito,

aló ó fondo,

moi fondo,

onde o sangue pide

máis, sempre máis

bicos.

 

Non deixes de bicarme

ningún día,

ningunha noite,

ningún minuto,

ningunha hora.

 

Preciso sentir o corazón

latexando por ti

i a cabeza bébeda

de irracional amor

en cada bico

que pide máis

bicos.

---

Enviado desde Correo Yahoo!
Disfruta de una bandeja de entrada más inteligente..

Fillo da lúa

Vos deixades ó orfo

máis orfo que está

dandolle coa porta

na necesidade.

 

Non queredes ver

a fame na boca,

os dentes mordendo

o sorriso morto,

nin isa camisa

rachando sudores.

 

Mirades o espello

e dadeslle as costas

decindo: ahí queda

o trepa do norte.

 

Quen fica no chan

é o fillo da lúa.

 

---

¿Con Mascota por primera vez? - Sé un mejor Amigo
Entra en Yahoo! Respuestas.

Fillo da lúa

Calade e escoitade
isa voz media afogada.
Pode ser Cristo resucitado
chamando á porta
e vos pechadeslla.

Abrídelle a porta
sen preguntarlle
se ten cartos dabondo
ou ven co peto fraco.

Abrídelle a porta
aínda que non sexa
o Noso Señor Probe
o que vos ven falando.

Eu xa lle teño aberto
o peito pra deitalo
cando orfo de vos
veña para os meus brazos.

---

¿Con Mascota por primera vez? - Sé un mejor Amigo
Entra en Yahoo! Respuestas.

Gaivota mariñeira

Non sei como podes voar,

gaivota miña,

cando ven o vento racheado

e eu fico

tirada

sen folgos

vencida.

E ti voas como un soño

voaría unha noite aluada

alto

moi alto

sempre enriba de min

alonxándote da miña derrota.

---

¿Con Mascota por primera vez? - Sé un mejor Amigo
Entra en Yahoo! Respuestas.

Gaivota mariñeira

Segues voando, gaivota,
enchendo o ceo con soños
que na terra xa están mortos.

Ti soñas realidades
mentras eu vivo tristuras
da que quere e non pode.

Hoxe vou soñar
que son gaivota e voó
lonxe, moi lonxe, tan lonxe
coma ti, gaivota miña, voas.

Hoxe vou abrir
a fiestra pechada aos soños
dunha porta aberta para min
e para os donos dos soños mortos
neste carreiro estreito e duro.

Gaivota mariñeira

Ninguén foi

pero alguén foi

o que tirou a matar

ferindote no crer

a túa boca calar.

 

Non cales,

gaivota miña,

non deixes o teu piar.

 

Ninguén foi

pero quixeron

a túa boca calar.

---

¿Con Mascota por primera vez? - Sé un mejor Amigo
Entra en Yahoo! Respuestas.

Gaivota mariñeira

Abraiada quedei

o saber que era eu

a gaivota ruin.

 

Eu era a que piaba

nas beirarúas

unha cantiga

que non gostaba aos señoritos.

 

Eu era a convidada

sempre de máis

nas mesas ricas

cun vestido sen moda

e un peiteado ao meu estilo.

 

Agora son un adeus

con pernas cara a porta

do deica nunca, amigos,

ista gaivota voa.

---

¿Con Mascota por primera vez? - Sé un mejor Amigo
Entra en Yahoo! Respuestas.

Gaivota mariñeira

Hoxe as miñas mans

son mans túas

o meu cabelo ó vento

é o manto que te cubre

agarimando o teu corpo

tan ferido

tan doente

tan canso

¡tan meu!

Porque eu máis ti

somos só unha,

gaivota miña,

poeta túa,

eu son o alento ceibe

que te erge de min,

gaivota miña,

ti, o meu espello

neste mar de bágoas

que non choro.

---

Web Revelación Yahoo! 2007:
Premio Favorita del Público - ¡Vota tu preferida!

Trovadora de min, trovadora de outros

A soidade bica

os meus minutos

facendoos séculos

nun só segundo.

 

Vaite, soidade,

alonxate.

Deixame.

Fuxe.

 

Eu non quero bicos

do silencio imposto.

Non, nos quero.

Non, nos busco.

---

Web Revelación Yahoo! 2007:
Premio Favorita del Público - ¡Vota tu preferida!

Nadal 2007, 2

Soñei que nacía o Neno
nun portal do Corte Inglés
e alí fun un domingo
para adoralo eu tamén.

¿En qué puedo ayudarla?
preguntoume unha muller
con traxe de empregada
de "yo la ayudo a usted".

Axudeme a chegar a Deus,
dixenlle baixiño eu
para que non me oíran
os que non crian en Él.

Aquí tiene al Niño Dios
en el portal de Belén.
Con luces vale cien euros,
sin luces los mismos cien.

O Meniño daba pena
cun prezo colgado ó pé
i a Virxen tiña cara
de dor por todo o que ve.

¡Cántas bolsas vía a Virxen!
¡Canto derroche vin eu!
Alí o que non gastaba
era por euros non ter.

A casa pola ventá,
a ventá rachando a Visa,
a Visa sudando cartos,
os cartos ían fundidos.

O Deus que alí adoraban
era o din caballero,
o poderoso don Carto,
o demo tentacarteiras.

Fuxín cando xa sentía
a tentación na carteira
salvada pola ollada
do Neno atado ó prezo.

Pisando forte

Fuxiches, amor,

como fuxiron

os que me amaron

ata o delirio.

 

Todos bicaron

a poesía

e alarmaronse

coa prosa escrita.

 

Fuxiches ó saber

que teño prosa.

 

¡Meu probe!

 

Eu son verso e prosa,

un rego que non rima,

unha rima que chora,

un choro sen un pano,

un pano nunca enxoito.

---

¿Chef por primera vez? - Sé un mejor Cocinillas.
Entra en Yahoo! Respuestas.

Nadal 2007, 1

Todos van tras a estrela
que atopan i eu non atopo.

¿Onde está isa estrela?
¿Onde o corpo esconde?

Corro tras os que me adiantan
e chego diante de todos.
Alí está o Meniño
espido de todo luxo.

Eu fico ollando o Neno,
os outros camiños corren
mercando en cada tenda
anacos de Noiteboa.

Eu xa non merco anacos
envoltos en papel ouro.

Eu xa non quero consumos.

Eu xa non quero máis luxos.

Pisando forte

Vou pisando forte

todos os infernos.

Para atrás hai nada,

para adiante hai menos.

 

Pero eu cara adiante,

cara adiante sempre,

vou pisando forte

co alento quente.

 

Que Deus non me diga

o que eu non quero

nin faga promesas

nas que xa non creo.

 

Vaite, Deus, e deixame

no camiño ateo.

 

Vaite, Deus, cos outros,

cos que axudas sempre.

---

¿Chef por primera vez? - Sé un mejor Cocinillas.
Entra en Yahoo! Respuestas.

Pisando forte

Abaixo non es nada

arriba es princesa

veñen a adorarte

como a unha estrela.

 

Chamanche raíña

dinche que te queren

pero se ti caes

caida ti quedas.

 

Fuxe o namorado

coma se o demo

viñera a buscalo

para outra estrela.

 

Vaite e non volvas

fuxe desta leira

para ti non hai

bicos na colleita.

 

Despois dos xaneiros

veñen os setembros

enchendo os hórreos

que estaban baleiros.

---

¿Chef por primera vez? - Sé un mejor Cocinillas.
Entra en Yahoo! Respuestas.

Trovadora de min, trovadora de outros

Non te apoio.

Grazas.

Grazas polo apoio

do non do agasallo

i do sí que roubas.

 

Subirei ó monte

i de alí as nubes,

das nubes caerei

en chuvia de outono.

 

Eu serei o abono

da colleita morta

antes da semente

destes meus sudores.

 

Non me apoias.

Grazas.

Grazas polo apoio

do non que recollo

nun eu sí me apoio.

---

¿Chef por primera vez? - Sé un mejor Cocinillas.
Entra en Yahoo! Respuestas.

Amor ceibe

Un río nos separa

en dúas veiras.

 

Eu na primaveira

peiteando días

con soños de verán

lonxe do outono

no que ti estás.

 

¿É posible amar

atando novembro

a risas de San Xoán?

 

Todo é posible

se se quere amar,

ata cruzar ríos

que son coma o mar.

---

¿Chef por primera vez? - Sé un mejor Cocinillas.
Entra en Yahoo! Respuestas.

Trovadora de min, trovadora de outros

Para abaixo din que caes

cun sorriso piadoso.

Para arriba din non subas

amosando os dentes todos.

 

Rezan rosarios cos dentes

por cada paso que subes

e cando o camiño deixas

dinche aquí ti xa sobras.

 

Tampouco fai falta Deus

se lle preguntan a moitos

i Deus fixo unha casa

para acollernos a todos.

 

Homes, mulleres e nenos,

mozos, vellos e máis novos

ricos con moitos billetes

e probes no Ceo collen.

---

¿Chef por primera vez? - Sé un mejor Cocinillas.
Entra en Yahoo! Respuestas.

Trovadora de min, trovadora de outros

A fame nos dentes,

a rabia na boca,

os ollos ardendo,

as mans dando a volta.

 

¿Quén é o que se atreve

a chamar á porta

pedindo os papeis?

 

Eu non os preciso

para hoxe comer:

se non hai non como,

se hai comerei.

 

¿Quén é o que se atreve

a pedir carnés

co nome escrito

sobre o papel?

 

O nome no escribo

en ningún papel

levoo escrito

nestas mans que ves.

---

¿Chef por primera vez? - Sé un mejor Cocinillas.
Entra en Yahoo! Respuestas.

As derradeiras verbas

¿A qué vides

se non falo?

Vos rezades padrenuestros

que non podo respostaros

con unha avemaría

sempre libre de pecado.

 

¿A qué vides

se non teño

cartos para contentaros?

Pedides con oracións

uns milagres que non fago.

 

¿A qué vides

a encher

o camposanto de bágoas?

Deixadesme o corazón

de bágoas anegado.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

As derradeiras verbas

Fun unha estrela esquencida

nun ceo cheo de estrelas

i quero que isto quede

pintado sobre unha pedra.

 

Eu era a estrela poeta

a que pintaba as verbas

acochando o meu nome

nun leito de follas feito.

 

Ali deixo a miña alma

vivindo en cada verso

dos poemas que navegan

ceibes pola mar da Rede.

 

Que a SGAE non vos cobre

no meu nome os poemas.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

Pisando forte

Teño que poder

erger a torre

chegar arriba

erger o brazo

decir nun berro

eu era ela

a que escribía

en prosa e verso.

 

Eu era ela

a que choraba

en cada poema

as bágoas mortas

en ferro quente.

 

Eu era ela

a que espallaba

verbas no vento

para que a mar

fora o seu berce.

 

Eu era sempre,

sempre a poeta.

---

¡Descubre una nueva forma de obtener respuestas a tus preguntas!
Entra en Yahoo! Respuestas.