Non son nai,
pero son filla
dunha nai que foi
só nai miña.
Non quisen ser nai
e deixei os berces
baleiros de min
cando puiden enchelos.
Non quisen, pero soñei
meniños brincadeiros
que corrían cara a casa
onde tiñan apertas.
Quisen coller no colo
a unha meniña
e tivenlle nome
i case escoitei
nos seus beizos rosas
chamarme... mamá.
Fun a nai dun soño.
------------------
AGASALLOS PARA NAIS BENQUERIDAS: https://amzn.to/3eyIU8B
