Amor novo

Nos abrazamos marchando pola estrada

dunha tregua ao silencio escrito.

Imos polo mundo medrando

neste amor que sabe a chuvia.

Lonxe, voan os soños.

Preto, o vento vai tolo.

Corremos. Tocamos a utopía

nun bico que sabe a chicle.

Amor novo é o noso,

amor nacido antes de tempo,

amor para sacarnos da adolescencia,

amor que busca unha aperta,

amor nunha onda mística,

amor que ouvea sen acougar.

------------------

http://tiendacoruna.blogspot.com/ 

Poeta pantasma

Baixo de min i chego

o eu que pechan as chaves.

Aquí estou. Soa. Sempre soa.

Volo a enredar, cavilando,

sen querer falar por falar

neste falar só conmigo.

Estou descubrindo o camiño

noutro horizonte de silencio.

Sinto o frío doendome

nas mans que latexan

coas verbas que van adiviñando

os meus dedos cheos de espellos.

Poeta pantasma

Non teño fronteiras.

Son libre, moi libre

ceibando verbas ceibes

que alimentan o lume.

Xa non esmorrecen as lapas

nas miñas ruinas pequenas.

Xa non teño frío no meu frío.

Xa anto. Xa vivo. Xa estou.

Chego ó embarcadoiro rindo,

rexuvenecida, namorada.

volvo a camiñar entre toxos,

pisando as xestas cos pes

cheos das espiñas do camiño.

Son libre i pinto coas cores

do arco da vella as miñas

verbas ceibes sempre ceibes.

--------------------

http://diariodeunamissculta.blogspot.com/

Poeta pantasma

Estou sempre a pelexar,

guerreo, perdo, volvo a loitar.

Sigo pelexando, enfrentome a min...

Sinto medo. Vaise o medo.

Xa non me quita o sono

ese medo a destrucción

das follas que poden morrer

nun deserto devorado pola selva.

Brillarei. Erguereime dore min,

sobre os meus restos mornos.

Serei a máis fermosa das poetas

pintada polas miñas verbas.

------------------

http://tiendacoruna.blogspot.com/ 

Poemas do Nadal

O Nadal vai rematando,

os Reis xa se nos achegan,

o Neno aínda durme

no pesebre das angurias

con terror e impotencia.

Remexe o boi o millo,

a modiño vai roendo

coa costume que ten

de comer o que lle dan

Baltasar i os compañeiros.

Todo chega, todo acaba.

A Virxe reza i cala.

San Xoxé xa está durmindo.

Os Reis traen agasallos.

----------------------

http://dinero-beruby.blogspot.com/ 

Depresión

Corrixo os meus pensamentos.

Arquivo recordos. Non paso páxina.

Noto o frío. Moito, moito frío.

Non marcha a miña pena.

Teño a alma desfeita

cando lembro tanta dor

por ti, mamá, por ti sempre.

Non me deixo, non me deixas.

Fágome preguntas. Calo.

Xa non teño forzas neste camiño.

Estou cansa. Mamá. Estou cansa.

---------------------

http://tiendacoruna.blogspot.com/  

Depresión

Teño que esquecer, descansar,

deixar polo menos un día

libre do meu cavilar.

Teño que chegar a min,

a que teño moi dentro,

sen présa, pouco a pouco.

Teño que coñecerme ben

para quererme un chisco.

Gostaríame quererme

agora que non me estou

deixando querer.

Gostaríame meterme en min

coma unha peregrina

que fala sempre tola.

------------------

http://tiendacoruna.blogspot.com/ 

Día de Reis 2015

Chegan os Reis de Oriente

coa súa experiencia

en deixar o que non queres

coma fan os forasteiros.

Fico na cama durmindo

os soños que non convidan

á realidade nunca

cando me chama o día.

Cunha chambra branca chega

Baltasar a miña beira

i con moita cremoña

toca o bombo cun matelo.

Cala, Baltasar, i vaite

que eu non son a bailarina

convidada as túas festas

para recoller propinas.

--------------------

http://tiendacoruna.blogspot.com/ 

Amando en verso

Quero deitar os teus soños

nos meus soños sen acougo,

achegarche o meu calor

ao teu frío esta noite.

Dime que aínda agardas

que en che abra outra pora

despois de que eu pechara

a cancela aos recordos.

Hoxe vai ser outro día

se ti aínda estás tolo

por esta que sempre voa

pola xanela dos contos.

------------------

http://evarecomienda.blogspot.com/ 

Día de Reyes 2015

Baltasar va repartiendo

los regalos acordados:

para unas las muñecas,

para otros coches grandes.

Gaspar lleva en sus brazos

las pistolas a la casa

del hijo del Coronel

que quiere ser como el padre.

Melchor recorre las calles

tirando más caramelo

en las manos de los críos

que creen en los Tres Reyes.

-------------------

http://tiendacoruna.blogspot.com/ 

Día de Reyes 2015

Un bonequiño barato

chegou coma agasallo.

A nena colle o canciño

cun sorriso alargado.

Un canciño que non ladra

vai dentro da mesma caixa

para a casa dun neno

que a Baltasar agardaba.

O neno colle o xoguete

i chora porque non ladra.

Un xoguete chega á casa

dos xemelgos da Amparo

i os rapaces o rifan

nun eu quero e ti me sacas.

Os nenos recollen xuntos

os anacos do can bravo.

--------------------

http://tiendacoruna.blogspot.com/ 

Un Nadal máis

Bo Nadal, só unha data,

inaugura un novo ano,

fainos pensar que florecen

a neve i as xiadas.

Ven a chuvía, caen lóstregos,

as pernas corren camiños,

vou ouvindo as paixoliñas

que na praza cantan tolos

os vellos da miña vila.

Na noite as badaladas

caen rompendo as copas.

Voy para onde me peta:

para a cama i ola a todos.

------------------

http://tiendacoruna.blogspot.com/ 

Amando en verso

Era a outra e non sabía

que estaba a compartir 

o home pai dos seus fillos

coa amiga do café.

Ela seguía a falar,

a outra a escoitar,

o causante do pecado

calado facía máis.

Pasaron días e anos,

meses do inverno pasaron,

chegou o verán i ela

aínda era a enganada.

Un día colleu a porta

o que o seu anel levaba

i non voltou pola casa,

fogar dos seus desenganos.

-------------------

http://diariodeunamissculta.blogspot.com/ 

Morreu en Oleiros

Morreches en Oleiros e non podo

perdoar a morte asasina.

Tiñamos moitas cousas pendentes.

Tiña que ser a que ti crias.

Morreches, mamá, mamá querida

e nos sabes o que doe non terte

neste mundo sen ti baleiro.

Vou polas rúas levando

conmigo a miña pena

Sen ti eu nada me sinto.

Contigo non había pena.

-----------------------

15-10-2014

Poeta pantasma

Teño que erger as mans

da derrota que mas deixan

debaixo do chan que mata

os meus soños de poeta.

Sentome ao meu carón

pensando nas verbas ceibes

que van saíndo a poucos

pola rúa dos Desexos.

Eu quero volver a ser

a pantasma máis poeta,

unha muller que se ceiba

nos versos que nacen dentro.

Se que podo. Sí, eu podo

ser poesía se quero.

Serei as follas que move

o vento co seu alento.

--------------------

http://diarioescritoraanonima.blogspot.com/ 

Poeta pantasma

Un día fun outra:

a muller sorriso.

Agora non teño

as risas tan vivas.

Vou polo camiño

da chuvía miuda

baixo da sombrilla

que tapa e molla.

Quixera volver

aos días dos soles,

estrear vestidos,

subir aos tacóns,

correr polas rúas,

ser a que eu fun.

------------------

http://diariodeunamissculta.blogspot.com/ 

Poeta pantasma

Teño o norte perdido

nesta miña confusión.

Non sei se saír da casa

ou non saír deste non.

Uns días sumanse aos outros,

un mes vai detrás do outro,

un ano está rematando...

A tristura non me deixa

nin de día nin de noite.

Son a muller do outono

que non ten folgos dabondo.

Estou cansa, moi moi cansa

de loitar na miña loita.

Xa non sei se estoy loitando

ou xa caín de xeonllos.

--------------------

http://diarioescritoraanonima.blogspot.com/ 

Morreu en Oleiros

Morrías i eu non supen

que apagabas o alento

nunha noite sen lúa.

Morreches i eu non supen

chorar o que cría chorar

para non decirche adeús...

Mamá...

Non sabes o que does...

Mamá...

Non sabes o que peno...

----------------

http://tiendacoruna.blogspot.com/ 

Calando...

Calei.

Calaches.

O silencio reinou

no Reino da Nada.

Calamos.

Seguimos calados

aínda hoxe cando

o silencio fala.

Di tanto...

Di tanto de nós...

------------------

http://diarioescritoraanonima.blogspot.com/ 

Muller ceibe

Mañán pode ser o día
do sí a unha nova vida.
Tamén pode ser o día
do non de todos os días.
Teño fe i non o creo.
Aínda soño desperta.
 
http://dinero-beruby.blogspot.com/

Dúbidas

A loita mata a miña loita
porque estou cansa de loitar
un día máis outro i o que ven.
 
Non sei se deixarme asoballar
ou seguir andando de pé.
 
As dúbidas. As certezas.
O non saber o que sei.
I sego. I loito. E vou.
 
--------------------
 
 
http://tarotgalicia.blogspot.com/

Son o non quero que quere

Non quero escribir o que escribo.
Non quero falar o que che digo.
Non quero calar o que non calo.
Non quero berrar cando é día.
Son o non quero que quere
coller a agulla co fío.
 
--------------------
GRAZAS POLO CLICK
EN http://adf.ly/ostxj 

Verbas ceibes

Non cho digo, non cho conto,
non te quero asustar,
non podo decirche nada,
contarcho ancho contar.
Mentras teño caladiño
o conto que eu hei calar.
Non preguntes, cala, cala.
En non cho quero contar.
 
--------------------
http://tiendacoruna.blogspot.com/

Morreu en Oleiros

Teñen que saber que exitiches
i por iso ceibo verbas ceibes
para berrar que finaches en Oleiros
cando eu loitaba a túa beira.
 
Morreches por pobre
Matáronte por pobre
 
As batas asasinas matáronte
i eu morrín naquela que fora
para saír do burato con este lume.
 
Caeches soa
Quedei soa
 
I soa sego escribindo os poemas
que non podo decirche a ti, mamá,
e que guindo dende o meu deserto.
 
----------------------
http://tiendacoruna.blogspot.com/
 
 

Amando en verso

Estaba soa falando
mentras ti non escoitabas
as verbas que me saían
dun corazón aillado.
 
Ti estabas a pensar
na outra que xa deixaras
coma o home atado
á outra pata da cama.
 
Fun fuxindo eu tambén
i fiquei en unha nada.
Contigo estaba soa.
Sen ti máis soa estaba.
 
-------------------
http://diarioescritoraanonima.blogspot.com/