Muller pantasma

Abrín a ventá en Compostela

para ver si Deus andaba

ao carón da Catedral.

Non atopei deus algún

nin ningún deus me atopou.

Outros buscaban por dentro

das pedras que tanto viron.

Eu dende fora ollaba

a fe dos que alí van

con pés cansos do Camiño

i os pecados nas mans.

 

-----------------

http://tarotgalicia.blogspot.com/

 

Muller pantasma

Encho páxinas brancas

coas serpes que boto

mudando esta pel.

Xa non lembro a que fun

porque non quero lembrar

unha pantasma rematada.

 

--------------------

http://diariodeunamissculta.blogspot.com/

Muller pantasma

Din que son parva

os que afondan en min

buscando un eu desequilibrado.

Eu digo que son pantasma

cunha ferramenta rápida:

estas verbas ceibes miñas.

Son poeta, moi poeta,

a poeta, a pantasma.

 

------------

http://tiendacoruna.blogspot.com/

 

Muller pantasma

 

Teño moito que falar

nestes silencios que calo

deixándolle á  man escribir

pensamentos ben estranos.

 

Eu cavilo

Eu... medito

 

Eu encho as folla que foron

brancas coas verbas amadas

e tamén fágolle acougo

as verbas que van feridas...

 

Eu son a poeta

En son a pantasma

 

------------

11-8-2013

-------------

http://tiendacoruna.blogspot.com/

Pantasma

 

Eu son a poeta

das verbas máis ceibes,

a pantasma que ven

os que non me coñecen.

Eu son a poeta

i así me vexo:

poeta i poeta i poeta.

 

-----------------

http://tiendacoruna.blogspot.com/

Morreu en Oleiros

Non pode ser certo

Non podo crer o teu finamento

Non podo decirche adeús, mamá

porque aínda teño moito que contarche.

 

Teño que contarche moitos contos

Teño que recitarche moitos versos

Teño que decirche sen decirche

Teño que caler e ti me entendes

 

Veñen os días de ti orfos

Veñen as datas que non cumpres

Veñen as horas que son séculos

Ven a morriña co teu nome

 

¡Cánto te quisen i te quero!

¡Cánto me does no meu peito!

¡Cánto me mata a túa morte!

 

 

----------------

22-6-2013

XIADA

-------------

http://anunciosebaygratis.blogspot.com/

 

Morreu en Oleiros

 

Fuches un terte e perderte

na guerra que gañou a túa morte.

 

Aquí me tes nesta derrota

ergendo unha bágoa cun boli.

 

Aquí me tes un sábado calquera

chorándote en brancas follas brancas.

 

Aquí me tes cando xa é verán

cos pés no inverno i na noite.

 

Aquí me tes no silencio que deixaches

na casa que foi a túa i é a túa.

 

Fuches, mamá, para min tanto i todo

que non son máis que un despoxo.

 

----------------

 

22-6-2013

 

Xiada

 

--------------

 

http://tiendacoruna.blogspot.com/ 

Sempre ceibe

 

Non esquezo al aldraxes

nin perdoo aos cabróns

díxolle a rosa ao toxo

cando él non lle falou.

 

A toxeira non falaba,

a rosa tamén calou

e veu o lume queimando

o chan onde Deus prantou

unha rosa pequeñiña

con bágoas ceo azul.

 

O toxo ardía queimando

as herbas do corazón

dunha coteira agochada

polo fume dun tizón.

 

 

--------------

http://anunciosebaygratis.blogspot.com/

Sempre ceibe

 

Ninguén

din que son

i eu non me sinto

ninguén.

Son a raíña, carallo,

i aquí vides a ver

o sangue azul que deixo

nun anaco de papel.

 

------------

http://anunciosebaygratis.blogspot.com/

Ceibe sempre

Ceibe sempre

endexamáis atada

camiñando libre.

 

Así vou

 

Collo o camiño a ningures

deixando pegadas na mar.

 

Asi vou

 

Chego nu non chegar nunca

i fico aquí

ergida

estando sen estar...

pero estando.

 

----------

26-6-2013

XIADA

-----------

http://tiendacoruna.blogspot.com/  

Ceibe sempre

 

Amei en verso

Chorei en verso

 

A miña vida foi un verso

buscándome a min nun verso

e atopándote a ti no mesmo verso

 

Eu fun un verso

Eu son un verso

 

--------------

http://diarioescritoraanonima.blogspot.com/

Morreu en Oleiros

 

Estabas en Oleiros morrendo

i eu estaba nas berzas en Oleiros

mentras as batas brancas asasinas

enchían de pastillas o teu corpo.

 

Mataronte

 

Mataronte coma o rico mata ao pobre

 

Mataronte

 

I mataron contigo a que eu fun

 

 

-----------

http://tiendacoruna.blogspot.com/

Morreu en Oleiros

 

Eu recitabache os meus versos

 

Despois non

 

Ti escoitabas as miñas verbas

na lingua do pobo

 

Despois non

 

Eu debullaba verbas por debullar

para escribir por escribir

i agora boto polas mans

as bágoas que non choro

por ti, mamá, por ti sempre.

 

 

----------------

http://tiendacoruna.blogspot.com/

Morreu en Oleiros

 

Chovía

calabamos

falaba a chuvia no cristal

calabamos

I agora nada

I agora non estás

neste verán de máis chuvia

Mamá...

non estás...

 

 

------------

 

http://tiendacoruna.blogspot.com/

Morreu en Oleiros

 

Son a filla orfa da nai matada,

o verso botado polo río,

a bágoa,

a dor.

Iso son sen ti, mamá, sen ti

porque fiquei en nada cando voaches.

 

 

 

 

 

 

 

----------

http://tiendacoruna.blogspot.com/

Filla orfa

 

Forasteira de min,

tristeira na tristura

de ser a filla orfa

da nai que se me foi.

¿Onde estará brilando?

¿Onde escoitará os versos

que nacen da miña dor?

 

---------

 

http://tiendacoruna.blogspot.com/

A TENDA DAS CAMISETAS

FEITAS POR TI

O pai do meu medo

 

Teño medo de min

e por min teño medo

porque o medo é

o pai do meu medo.

 

Penso i xa teño

medo sempre medo.

Eu nunca arranxo

o medo que teño.

 

Medo,¿qué me queres?...

 

Ti ao meu carón,

eu a túa beira.

Loito

Loito por nada i por todo.

Loito pola libertade.

Loito por pasar o día

coas novas de hoxe

i chegar a mañán.

 

Loito por ti i por min,

por unha parella

que chegue a bicar

as vodas de ouro

antes de finar.

 

Loito por puro costume.

Loito sen nunca cansar.

Xa non teño folgos

 

Xa non teño folgos.

Xa nada me importa.

Xa caen as follas

sen levarme a min.

 

Xa calan os pitos.

Xa morren as horas.

Xa non hai un día

para máis vivir.

 

Xa dubido tanto,

tanto i tanto i tanto

que son unha dúbida

aínda muller.

 

Xa os agarimos

dun home non sanan

unha alma cansa

dun corpo sen fe.

 

O non

 
 
Na escuridade don non
abres un oco.
Pensas que ti
xa estás fora.
Pensas que eu
estou de bruxa
da intelixencia parva
na escuridade tonta.
 
-----------
TAROT GRATIS
TAROT O SI O NO

Así ando, así canto

 
As cancelas de barreiras,
os camiños sen atallos,
unha bolboreta chora
atada ao pé do tallo.
 
Dígolle cousas ao gato
e xa lle cheira o que falo
porque o meu gato ten
unha crise no traballo.
 
Así ando, así canto,
así choro, así falo,
así son sempre pantasma,
así teño o cú furado.
 
--------------
http://diarioescritoraanonima.blogspot.com/
http://tiendacoruna.blogspot.com/

Dime espelliño dime

 
Reinvento a miña imaxe
nun espello que non son.
Ti ollarás o que queiras.
Eu verei a que non son.
 
Dime espelliño máxico,
¿son a mesma ou non son
a pantasma que escribe
cando chora o acordeón?
 
Dime espelliño ti dime
si esa que ves son eu.
Semellarse a min semella,
pero ela eu non son.
 
-----------------
http://diarioescritoraanonima.blogspot.com/
http://tiendacoruna.blogspot.com/

Miseria

Sinto o outono

achegándose a min.

Miseria.

Nada.

Berros.

Volvome tola

neste espectáculo

de verbas ceibes.

 

 

-------------------

http://diarioescritoraanonima.blogspot.com/

http://unacancionparati.blogspot.com/

Eras unha festa

Era xaneiro, lembro,

e ti eras o elixido.

Exploreite.

Aprendin a coñecerte

i deixei que coñeceras

os meus xogos arriscados.

Negociaba a noite

ata que me atopaba o día

chegando al mellor: ti.

Era unha festa terte.

Despois... nada.

Adeus.

Nada.

Cambiei.

Non houbo máis elixidos.

Xa non.

Perdera...

 

Gañaba.

Perdías.

Xogaba o coche.

Corría o risco de perder.

Perdía.

Gañabas.

Xogaba o anel...

¡Imprudente!

Unha gorxa estourou

cando o meu anel foi teu.

Perdera...

Outra vez.