Gaivota mariñeira

Ninguén foi

pero alguén foi

o que tirou a matar

ferindote no crer

a túa boca calar.

 

Non cales,

gaivota miña,

non deixes o teu piar.

 

Ninguén foi

pero quixeron

a túa boca calar.

---

¿Con Mascota por primera vez? - Sé un mejor Amigo
Entra en Yahoo! Respuestas.

Gaivota mariñeira

Abraiada quedei

o saber que era eu

a gaivota ruin.

 

Eu era a que piaba

nas beirarúas

unha cantiga

que non gostaba aos señoritos.

 

Eu era a convidada

sempre de máis

nas mesas ricas

cun vestido sen moda

e un peiteado ao meu estilo.

 

Agora son un adeus

con pernas cara a porta

do deica nunca, amigos,

ista gaivota voa.

---

¿Con Mascota por primera vez? - Sé un mejor Amigo
Entra en Yahoo! Respuestas.

Gaivota mariñeira

Hoxe as miñas mans

son mans túas

o meu cabelo ó vento

é o manto que te cubre

agarimando o teu corpo

tan ferido

tan doente

tan canso

¡tan meu!

Porque eu máis ti

somos só unha,

gaivota miña,

poeta túa,

eu son o alento ceibe

que te erge de min,

gaivota miña,

ti, o meu espello

neste mar de bágoas

que non choro.

---

Web Revelación Yahoo! 2007:
Premio Favorita del Público - ¡Vota tu preferida!

Trovadora de min, trovadora de outros

A soidade bica

os meus minutos

facendoos séculos

nun só segundo.

 

Vaite, soidade,

alonxate.

Deixame.

Fuxe.

 

Eu non quero bicos

do silencio imposto.

Non, nos quero.

Non, nos busco.

---

Web Revelación Yahoo! 2007:
Premio Favorita del Público - ¡Vota tu preferida!

Nadal 2007, 2

Soñei que nacía o Neno
nun portal do Corte Inglés
e alí fun un domingo
para adoralo eu tamén.

¿En qué puedo ayudarla?
preguntoume unha muller
con traxe de empregada
de "yo la ayudo a usted".

Axudeme a chegar a Deus,
dixenlle baixiño eu
para que non me oíran
os que non crian en Él.

Aquí tiene al Niño Dios
en el portal de Belén.
Con luces vale cien euros,
sin luces los mismos cien.

O Meniño daba pena
cun prezo colgado ó pé
i a Virxen tiña cara
de dor por todo o que ve.

¡Cántas bolsas vía a Virxen!
¡Canto derroche vin eu!
Alí o que non gastaba
era por euros non ter.

A casa pola ventá,
a ventá rachando a Visa,
a Visa sudando cartos,
os cartos ían fundidos.

O Deus que alí adoraban
era o din caballero,
o poderoso don Carto,
o demo tentacarteiras.

Fuxín cando xa sentía
a tentación na carteira
salvada pola ollada
do Neno atado ó prezo.

Pisando forte

Fuxiches, amor,

como fuxiron

os que me amaron

ata o delirio.

 

Todos bicaron

a poesía

e alarmaronse

coa prosa escrita.

 

Fuxiches ó saber

que teño prosa.

 

¡Meu probe!

 

Eu son verso e prosa,

un rego que non rima,

unha rima que chora,

un choro sen un pano,

un pano nunca enxoito.

---

¿Chef por primera vez? - Sé un mejor Cocinillas.
Entra en Yahoo! Respuestas.

Nadal 2007, 1

Todos van tras a estrela
que atopan i eu non atopo.

¿Onde está isa estrela?
¿Onde o corpo esconde?

Corro tras os que me adiantan
e chego diante de todos.
Alí está o Meniño
espido de todo luxo.

Eu fico ollando o Neno,
os outros camiños corren
mercando en cada tenda
anacos de Noiteboa.

Eu xa non merco anacos
envoltos en papel ouro.

Eu xa non quero consumos.

Eu xa non quero máis luxos.

Pisando forte

Vou pisando forte

todos os infernos.

Para atrás hai nada,

para adiante hai menos.

 

Pero eu cara adiante,

cara adiante sempre,

vou pisando forte

co alento quente.

 

Que Deus non me diga

o que eu non quero

nin faga promesas

nas que xa non creo.

 

Vaite, Deus, e deixame

no camiño ateo.

 

Vaite, Deus, cos outros,

cos que axudas sempre.

---

¿Chef por primera vez? - Sé un mejor Cocinillas.
Entra en Yahoo! Respuestas.

Pisando forte

Abaixo non es nada

arriba es princesa

veñen a adorarte

como a unha estrela.

 

Chamanche raíña

dinche que te queren

pero se ti caes

caida ti quedas.

 

Fuxe o namorado

coma se o demo

viñera a buscalo

para outra estrela.

 

Vaite e non volvas

fuxe desta leira

para ti non hai

bicos na colleita.

 

Despois dos xaneiros

veñen os setembros

enchendo os hórreos

que estaban baleiros.

---

¿Chef por primera vez? - Sé un mejor Cocinillas.
Entra en Yahoo! Respuestas.

Trovadora de min, trovadora de outros

Non te apoio.

Grazas.

Grazas polo apoio

do non do agasallo

i do sí que roubas.

 

Subirei ó monte

i de alí as nubes,

das nubes caerei

en chuvia de outono.

 

Eu serei o abono

da colleita morta

antes da semente

destes meus sudores.

 

Non me apoias.

Grazas.

Grazas polo apoio

do non que recollo

nun eu sí me apoio.

---

¿Chef por primera vez? - Sé un mejor Cocinillas.
Entra en Yahoo! Respuestas.

Amor ceibe

Un río nos separa

en dúas veiras.

 

Eu na primaveira

peiteando días

con soños de verán

lonxe do outono

no que ti estás.

 

¿É posible amar

atando novembro

a risas de San Xoán?

 

Todo é posible

se se quere amar,

ata cruzar ríos

que son coma o mar.

---

¿Chef por primera vez? - Sé un mejor Cocinillas.
Entra en Yahoo! Respuestas.

Trovadora de min, trovadora de outros

Para abaixo din que caes

cun sorriso piadoso.

Para arriba din non subas

amosando os dentes todos.

 

Rezan rosarios cos dentes

por cada paso que subes

e cando o camiño deixas

dinche aquí ti xa sobras.

 

Tampouco fai falta Deus

se lle preguntan a moitos

i Deus fixo unha casa

para acollernos a todos.

 

Homes, mulleres e nenos,

mozos, vellos e máis novos

ricos con moitos billetes

e probes no Ceo collen.

---

¿Chef por primera vez? - Sé un mejor Cocinillas.
Entra en Yahoo! Respuestas.

Trovadora de min, trovadora de outros

A fame nos dentes,

a rabia na boca,

os ollos ardendo,

as mans dando a volta.

 

¿Quén é o que se atreve

a chamar á porta

pedindo os papeis?

 

Eu non os preciso

para hoxe comer:

se non hai non como,

se hai comerei.

 

¿Quén é o que se atreve

a pedir carnés

co nome escrito

sobre o papel?

 

O nome no escribo

en ningún papel

levoo escrito

nestas mans que ves.

---

¿Chef por primera vez? - Sé un mejor Cocinillas.
Entra en Yahoo! Respuestas.

As derradeiras verbas

¿A qué vides

se non falo?

Vos rezades padrenuestros

que non podo respostaros

con unha avemaría

sempre libre de pecado.

 

¿A qué vides

se non teño

cartos para contentaros?

Pedides con oracións

uns milagres que non fago.

 

¿A qué vides

a encher

o camposanto de bágoas?

Deixadesme o corazón

de bágoas anegado.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

As derradeiras verbas

Fun unha estrela esquencida

nun ceo cheo de estrelas

i quero que isto quede

pintado sobre unha pedra.

 

Eu era a estrela poeta

a que pintaba as verbas

acochando o meu nome

nun leito de follas feito.

 

Ali deixo a miña alma

vivindo en cada verso

dos poemas que navegan

ceibes pola mar da Rede.

 

Que a SGAE non vos cobre

no meu nome os poemas.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

Pisando forte

Teño que poder

erger a torre

chegar arriba

erger o brazo

decir nun berro

eu era ela

a que escribía

en prosa e verso.

 

Eu era ela

a que choraba

en cada poema

as bágoas mortas

en ferro quente.

 

Eu era ela

a que espallaba

verbas no vento

para que a mar

fora o seu berce.

 

Eu era sempre,

sempre a poeta.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

Pisando forte

Regreso con forza

sen Caín na mente

se quero eu podo

se podo eu quero.

 

I quero un posto

con sitio no Ceo

coma teñen outros

que o merecen menos.

 

Non vou a pedilo

con fame nos dentes

pedir é baixeza

e baixezas non quero.

 

Eu irei coa testa

ergida ó vento

cravando os tacóns

en todas as terras.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

Trovadora de min, trovadora de outros

Quero fuxir
de todos os pasados
poñer a terra enteira
de eterna distancia.

 

Non, que non volvan
os tempos que pasaron
non quero aquela chuvia
sen sol para secala.

 

Os anos que se foron
que sigan a viaxe
lonxe do camiño
que queda para adiante.

 

Quero fuxir
das follas xa escritas
para escribir as novas
orfas de letra escrita.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

Trovadora de min, trovadora de outros

O pasado volta
e eu non quero
páxinas lidas
noutros tempos.

 

O pasado volta
xa máis vello
pero idéntico.

 

O pasado volta
e eu sinto a ferida
aínda aberta.

---

¡Descubre una nueva forma de obtener respuestas a tus preguntas!
Entra en Yahoo! Respuestas.

Amor ceibe

Ceibe é o amor que sinto
sen unha data nin un vestido
sen un reloxo para unha cita
xogando co azar
no tableiro do destino.

 

Fico nunha peza de xadrez
na raíña branca que ti ves
e o amor xira no cadriño
do gañas ti e gaño eu.

 

¿Qué importan os peóns i o rei?
¿Qué importa a que leva anel?
Só importa iste amor que sentimos
iste amor teu
iste amor meu.

---

Sé un Mejor Amante del Cine
¿Quieres saber cómo? ¡Deja que otras personas te ayuden! .

Amor ceibe

Recito os meus poemas
pensando en ti
pensando que me oes dende lonxe
pensando nun eco que che leve
as verbas que eu pinto
cando o serán xa morre.

 

Recito os meus poemas
na Torre de Babel que une
unha lingua con outra
sentindo o teu esforzo
por entender estrofas.

 

Recito os meus poemas
sentindo que ti sintes
as miñas verbas túas
en iste barco ceibe
navegando as distancias do vento
navegando as distancias do idioma.

---

Sé un Mejor Amante del Cine
¿Quieres saber cómo? ¡Deja que otras personas te ayuden! .

Amor ceibe

Non, amor, as Maldivas non.
Non me imaxino turista
nin casada no Cancún.

Só me imaxino ceibe como o amor.
Ceibe como iste amor que sinto hoxe
correspondido no mesmo ceibe amor.

¿Para que ir as Maldivas a vivir
o amor que se ceiba neste Atlántico
a golpe de @ e de contacto?

Istas ondas nas troco eu por nada
nin por París nin por unha góndola
na Venecia das pombas e dos amantes
que bican o anel recién mercado.

Eu bico o amor recién ceibado
ceibome pecando namorada
sen pedir perdón
polo amor roubado.

Amor ceibe

Ceibamos o amor carta a carta rachando follas polos pecados. Deixeime ir na onda do amor deitada no naufraxio do barco da razón. Biqueite na distancia como a unha personaxe fillo dunha pluma e amante da cama. Sentinme abrazada nunha apreta salvaxe respostei e resposto en versos adicados a ti, querido muso, pra ti, meu benamado.

---

Sé un Mejor Amante del Cine
¿Quieres saber cómo? ¡Deja que otras personas te ayuden! .

Trovadora de min, trovadora de outros

Un amor pantasma
rondame as mañáns
pola noite cala
máis polo serán.
 
¿Quén es, meu pantasma?
¿Qué camiños andas?
Dime moi baixiño
o que te namora.
 
¿Quedas coa poeta
ou chegas á moza?
Dime ti, meu rei,
qué en min ti atopas.
 
Un home pantasma
achegase a min.
 
Dime moi baixiño
se ti es aquel
que se achegaba
os xoves tamén.

---

Sé un Mejor Amante del Cine
¿Quieres saber cómo? ¡Deja que otras personas te ayuden! .

Baixo o signo de Caín

O signo é unha crus
¡horror!
da medo
porque sabelo fin
e non queres sabelo.

Unha crus é o signo
con Caín
reinando
sobre o vivir cotidián
de fracaso en fracaso.

¡Maldito Caín!
¡Maldito fracaso!
eu non quero o signo
ergome de min
en outro eu novo
e soño
soia
¡sí!... aínda soño.

---

Sé un Mejor Amante del Cine
¿Quieres saber cómo? ¡Deja que otras personas te ayuden! .